Binəqədi rayonu ərazisində yanan yaşayış binası ətrafında aparılan müzakirələr hələ də aktuallığını itirməyib. Baş verən faciə ilə bağlı ən çox tənqid olunanlardan biri Binəqədi rayonunun icra başçısı Xaləddin İskəndərovdur. Azinforum.az Xaləddin İskəndərovun hadisə yerindən telefonla danışarkən çəkilən fotosunu əldə edib.   Şəkildən görünür ki, onun danışdığı telefon ən bahalı marka sayılan "Vertu" istehsalıdır. İcra başçısının istifadə etdiyi telefonun qiymətilə maraqlandıq. Rəyini soruşduğumuz adamlar həmin telefonun qiymətinin 12-15 min dollar arasında dəyişdiyini dedilər. E. Aydınoğlu