Direktorun zorladığı deyilən qızın atası danışdı
Zərdab rayonu Şahhüseynli kənd orta məktəbinin direktoru Ceyhun Tofiqli tərəfindən zorlandığı bildirilən 11-ci sinif şagirdi Nazilə Abduləliyevanın (ad şərtidir-red.) atası Rəmzi Abduləliyev Ölkə.Az-ın suallarını cavablandırıb.
- Ceyhun Tofiqlinin ailəsini necə tanıyırsınız?
- Eyni kənddənik, qohumluğumuz yoxdur.
- Bəs necə olub ki, bu işdən xəbər tutmusunuz?
- Qayınanam ağır xəstədir. Həyat yoldaşım qalxıb ki, anasının paltarını dəyişsin, görüb qız yerində yoxdur. Qızın səsinə evdən çıxıb. Gedib görüb ki, darvazanın ağzında...
- Ceyhun Tofiqli ilə?
- Bəli, Ceyhun zəng edib ki, gəl, sənə kitab gətirmişəm. Qızım da hazırlığa gedir. İnanıb, gedib. Bu gün 17 yaşı tamam olur.
- Söhbət konkret intim münasibətdən gedir?
- Qızım anasına deyib ki, elə bir şey olmayıb. Anası beş dəqiqə də gec çıxsaydı, iş işdən keçəcəkdi.
- Direktor məktəbdə ona hansısa xoşagəlməz hərəkət edirmiş?
- Bu barədə eşitməmişəm.
- Ceyhun Tofiqlinin ailəsi bildirir ki, ekspertiza zorlamanın olmadığı qənaətinə gəlib.
- Deyiblər ki, qalsın həftənin altıncı gününə. Mənə müəmmalı gəlir ki, niyə şənbə gününə qalsın. Ucarın eksperti pulgir adamdır.
- Axı bu iş Zərdab ərazisində baş verib. Niyə Ucardan baxılsın?
- Mənə də müəmmalı gələn budur. Zərdabın eksperti elə adamdır ki, nə də təklif etsən, düzgün nəticə çıxaracaq. Mənə elə gəlir ki, bu işi uzatmaq üçün belə edirlər.
- Ceyhun Tofiqlinin həbsini istəyirsiniz?
- Bütün kənd camaatı, vəzifə adamları deyir ki, bu adam ömürlük həbs cəzası almalıdır.
- O ailəyə get-gəliniz olub?
- Olmayıb.
- Adətən kənd yerlərində qızları tez ərə verirlər, nişanlayırlar...
- Xeyr, qızım təhsil alırdı. Onun üçün əsas olan dərsidir, oxuduğu məktəbin ən nümunəvi və yaxşı oxuyan şagirdidir. Məktəb direktorları, icra başçısı da onu tanıyır, fotoları var.
- Sizin vasitənizlə qızınızla danışa bilərik?
- Mən ailəmdən ayrılmışam, ailə qurmuşam. Amma qızımla yaxşı münasibətlərim var, rayona hazırlığa mən aparıb gətirirdim.
- Ceyhun Tofiqlini necə insan kimi tanımısınız?
- Yaxşı adam kimi tanımamışam.