"Avropa Oyunları ilə bağlı aparılan reydlər zamanı ət kəsimi ilə məşğul olan 25 obyekt cərimə olunub, 7 obyekin bağlanmasına qərar verilib”. Bu barədə AzVision.az-a Kənd Təsərrüfatı Nazirliyi yanında Dövlət Baytarlıq Xidmətinin mətbuat xidmətinin rəhbəri Yolçu Xanvəli məlumat verib. Onun sözlərinə görə, bütün qeyri-qanuni kəsim məntəqələri cəzalandırılıb. "Avropa Oyunlarına görə Dövlət Baytarlıq Xidməti gücləndirilmiş iş rejimində çalışır. May ayının 1-dən iyun ayının1-ə kimi 15 kəsim məntəqəsinə şifahi, 11 obyektə isə yazılı formada xəbərdarlıq olunub. İnzibati Xətalar Məcəlləsinin 125-ci maddəsinə görə, 25 obyekt cərimə olunub, 7 obyekin bağlanmasına qərar verilib. Kəsimlər əsasən axşam saatlarında başlayır. Müayinələr isə gecə saatlarında aparılır. Bir sözlə, baytarlıq sanitariya qaydalarına ciddi nəzarət olunur”-deyə Yolçu Xanvəli bildirib.