Dünəndən İnform.az xəbər saytı fəaliyyətə başlayıb. Peşəkər jurnalistlərin və nüfuzlu yazarların imzasıyla fəaliyyətə başlayan saytın baş redaktoru tanınmış yazar, ədəbiyyatçı-alim Xalidə Xaliddir. Xalidə Xalidin saytın açılışı ilə bağlı verdiyi xəbərdə qeyd olunur ki, İnform.az Azərbaycanda yaradılmış geniş media məkanında sıradan bir sayt olaraq fəaliyyətə başlayır. Lakin, İnform.az-ın peşəkar kollektivi xəbəri oxucunu yormayan fərqli formatda hazırlayıb təqdim edir. Siz bizdən xəbəri qısa və anlayışlı formada ala biləcəksiniz. Baş redaktor onu da bildirib ki, İnform.az-ın təqdimatının "15 İyun - Qurtuluş Günü"-nə salınması təsadüfi deyil. Bu tarixin Azərbaycanın inkişafının başlanğıcı olması səbəbindən, uğurlu bir tarix kimi İnform.az-ı bu gün oxuculara təqdim etməklə saytımıza ölkəmizin yüksəlişi kimi bir yüksəliş arzulayır, Azərbaycan xalqını İnform.az ailəsi olaraq "Qurtuluş Günü" münasibətilə təbrik edirik."