Yanvar ayında Azərbaycan əhalisi mobil rabitəyə 64 milyon manat xərcləyib
Cari ilin yanvar ayı ərzində informasiya və rabitə müəssisələri 127,8 mln. manatlıq xidmət göstərib ki, onun da 71,3%-i əhali tərəfindən istehlak olunub.
Dövlət Statistika Komitəsindən verilən məlumata görə, ötən ilin eyni dövrü ilə müqayisədə informasiya və rabitə xidmətlərinin dəyəri real ifadədə 2,3% azalıb, bu sahədə əldə edilmiş gəlirin 79,8%-i qeyri-dövlət sektorunun payına düşüb.
Xidmətlərdən əldə edilən gəlirin 50,0%-i və ya 63,9 mln. manatı mobil telefon rabitəsi sahəsində formalaşıb.
Azərbaycan əhalisinin uşaqlı-böyüklü 10 milyon nəfərə yaxın olduğunu nəzərə alsaq, adambaşına mobil rabitəyə təxminən 7 manat xərcləmişik.