Naxçıvanlı keçmiş deputat öldürüldü
Ukraynanın Luqansk vilayətində keçmiş azərbaycanlı deputat öldürülüb.
Luqansk vilayəti Azərbaycanlıları Konqresindən APA-ya verilən məlumata görə, Naxçıvanda doğulan və Ukrayna vətəndaşı olan 60 yaşlı Əli Məhərrəmovun maşını ötən həftə Krasnıy Luç şəhəri yaxınlığında qumbaraatanla atəşə tutulub.
Maşın yandığından meyit tanınmaz hala düşüb.
Uzun müddətdir, Ukraynada yaşayan Əli Məhərrəmov Krasniy Luç ətrafında - yaşadığı kənddə dəfn edilib.
Əli Məhərrəmov 90-cı illərin əvvəllərində bir müddətə Luqansk Vilayət Şurasının deputatı olub.