Dünən Azərbaycan Xalq Cəbhəsi Partiyasından (AXCP) istefa vermiş, artıq keçmiş sədr müavini Əbülfəz Qurbanlı facebook sosial şəbəkəsində ünvanına səslənən ittihamlara cavab verərkən bəzilərinin saxta profil arxasında gizləndiyini vurğulayıb. Maraqlıdır ki, Ə.Qurbanlı saxta profillə facebookda “meydan sulayan”lardan bəzilərinin AXCP-çilər olduğuna işarə edib. O, bununla bağlı bildirib: ”Saxta profil arxasında gizlənən özümüzünkülər - Mikayıl Bayramov arxasında gizlənən şəxs və başqaları… Dedim axı, hamını tanıyıram…” Ə.Qurbanlı keçmiş partiyadaşlarına “bacardınız, bundan sonra da riyakarlıq etməyin” deyə mesaj ünvanlayıb.