Ərdoğanın tərəfdarları ilə əleyhdarları arasında toqquşma - 9 yaralı
ABŞ-da Türkiyə prezidenti Rəcəb Tayyib Ərdoğanın tərəfdarları və əleyhdarları arasında toqquşmalar baş verib.
“Qafqazinfo” xarici KİV-ə istinadən xəbər verir ki, insident Türkiyənin Vaşinqtondakı səfirliyi qarşısında qeydə alınıb.
Yanğınsöndürmə-xilasetmə xidmətinin məlumatına görə, toqquşmalar zamanı 9 nəfər xəsarət alıb. Yaralananlar artıq xəstəxanaya yerləşdirilib. Onlardan birinin vəziyyəti isə ağırdır.
Hazırda toqquşma olan küçələr bağlanıb. Saxlanılanlar barəsində məlumat yoxdur.