Teleaparıcı Aytən Səfərovanın yeni iş yeri bəlli oldu.Publika.az-ın əldə etdiyi məlumata görə, ANS rəhbərliyi ilə anlaşa bilməyən teleaparıcı yeni mövsümdə işə ATV-də başlayacaq.   ANS-dən ayrılan məşhur jurnalistlərə məmnuniyyətlə qucaq açan ATV növbəti mövsümdən Aytən Səfərovanı da transfer etmək istəyir. ATV-dəki mənbələrimizdən daxil olan məlumata görə, kanal rəhbərliyinin əsas məqsədi də ANS-i mənəvi cəhətdən sındırmaqdır.   Xatırladaq ki, indiyədək ANS-dən Turan İbrahimov, İradə İsaq, Mətanət Əliverdiyeva, Orxan Fikrətoğlu, İlqar Mikayıloğlu, Zülfiyyə Bayramova ATV telekanalına keçib.   Əldə etdiyimiz məlumatda o da bildirilir ki, ANS-də “vurularaq” ATV-də “sığınacaq” tapan yalnız Aytən Səfərova olmayacaq.  Mənbənin bildirdiyinə görə ATV hazırda Aytən Səfərova ilə yanaşı dindarların qəzəbinə gələn Elnarə Təhməzova ilə də danışıqlar aparır və bununla da ANS-ə ən böyük zərbəni vurmağa hazırlaşır.   Xatırladaq ki, iki telekanal arasında ədavətin yaranmasına səbəb Mətanət Əliverdiyeva olub.  Belə ki, may ayında 8-ci mikrorayonda yanan bina haqqında danışarkən işlətdiyi düşünülməmiş ifadələrdən sonra ANS-də geniş süjet hazırlanıb. Həmin süjetdə  ATV və aparıcı tənqid olunub. Bundan sonra iki kanal arasında onsuz da soyuq olan münasibətlər  daha da gərginləşib.