“Apple” şirkəti "İphone 7"-nin təqdimatı ilə bağlı yeni qərar qəbul edib. Axar.az xəbər verir ki, şirkət öz məhsulunu vaxtından tez ictimaiyyətə təqdim etmək niyyətindədir. Belə ki, təqdimat üçün şirkət sentyabr ayının 9-nu gözləyir. “Apple” sentyabrın 9-da "İphone 7" modelini və yeni "İpad"ı təqdim edəcək. Təqdim olunacaq "İphone 7"-nin görünüşündə heç  bir fərq hiss olunmur, ancaq bəzi texniki parametrlər cəhətdən "İphone-6"-dan üstün olacaq. Bunlardan biri də yeni “Force Touch Technology” funksiyasıdır. Bu funksiya ekrana toxunmanın həssaslığını yoxlayacaq. Bu da o deməkdir ki, Retina ekranındakı kiçik elektrodlardan istifadə edərək, incə toxunuşla sərt toxunuş arasındakı fərqi yoxlayacaq. "İphone 7"-də əlavə su keçirməyən korpus, enerjinin uzun müddət saxlanması, yüksək keyfiyyətli qrafika, sapfir kristal ekran kimi yeniliklər də olacaq.