Sərhəddə hər hansı bir təxribat baş verdiyi təqdirdə, Türkiyə ordusuna 7 km məsafədə İraq torpaqlarına daxil olmaqla bağlı əmr verilib. Bu barədə azvision.az Türkiyənin "Yeni Şafak" qəzetinə istinadən xəbər verir. Əmrə əsasən təxribat baş verdiyi təqdirdə 1996-cı ildən bəri Şimali İraqda yerləşdirilən hərbi birləşmələr də əməliyyatlara dəstək verəcək. Qeyd edək ki, Türkiyə hökuməti terrorçular ölkənin sərhəddindən tamamilə kənarlaşana qədər əməliyyatların davam edəcəyini bəyan edib.