"Amnesty İnternational": "Jurnalistlərin qatilləri cəzasız qalır"
“Hökumətin jurnalist Rasim Əliyevin ölümünün araşdırılmasını şəxsi nəzarətə götürülməsi barədəki vədləri çətin ki, real ədalət mühakiməsinə gətirib çıxarsın”.
Bu barədə "Amnesty İnternational" hüquq-müdafiə təşkilatının bəyanatında deyilir.
“Uzun müddətdir ki, Azərbaycan jurnalistləri təqib və Rasimin ölümü kimi dəhşətli hücumların obyektlərinə çevriliblər. Qərəzsiz təhqiqat barədə inandırmalara baxmayaraq bu qətllərdə günahı olanlar cəzasız qalır” - deyə təşkilatın nümayəndəsi Natalia Nozadze bildirib.
"Azərbaycanda ifadə azadlığı “can verir”. Odur ki, nə qədər ki bu azadlıq tam bitməyib, hakimiyyət jurnalistləri qorumaq üçün dərhal və effektiv tədbirlər görməlidir” - N.Nozadze bildirib ("Turan").
