Ermənistanın məşhur politoloqu Levon Melik Şahnazaryan vəfat edib.   Axar.az xəbər verir ki, bu barədə informasiyanı Ermənistan mətbuatı yayıb.   Mətbuatın məlumatına görə, Şahnazaryan uzun sürən xəstəlikdən sonra ölüb.   Qeyd edək ki, Levon Melik Şahnazaryan 1958-ci ildə Gəncədə anadan olub. O, Qarabağ müharibəsi dövründə erməni separatçıları içərisində ən fəallardan hesab edilirdi. Belə ki Şahnazaryan 1988-ci ildə məşhur “Miatsum” (Mənası "birləşmə" deməkdir. Dağlıq Qarabağın Ermənistana birləşdirilməsini nəzərdə tuturdu. Rəhbəri Robert Köçəryan idi – red.) hərəkatı rəhbərinin müavini vəzifəsini tutmuşdu. Bundan başqa, politoloq 1988-ci ildə Gəncə ermənilərinin Azərbaycana qarşı fəaliyyətinə də rəhbərlik etmişdi.