Demokratik Maarifçilik Partiyasının sədri Elşən Musayev “facebook” səhifəsində Azercell şirkəti ilə bağlı status paylaşıb. Partiya rəhbəri mobil operator şirkətinin fırıldağını üzə çıxarıb. Bununla növbəti dəfə Azercell-in dələduzluqla gəlir əldə etdiyi təsdiqlənib. Artıq sıravi abunəçilər deyil, ictimai fəaliyyəti olanlar da şirkətin saxtakarlıqlarından yazır. Azinforum.az həmin statusu olduğu kimi təqdim edir. Deməli belə: Təxminən apreldən bu yana hər ay sonu Azercell nömrəmə gələn borc 50 manatdan aşağı olmayıb və 52, 54, 56 civarında dəyişib. Nə vaxtdır elə o haqqda düşünürdüm. Ki, il boyu 20-25 manatı keçməyən məğləğ niyə birdən - birə belə şişsin? Üstəlik, sinxron dəqiqliklə? Və...cavab gecikmir. Daha doğrusu Azercell özü - özünü ələ verir. 3 gün öncə şirkətin incə səsli xanım operatorlarından biri mobil nömrəmi yığaraq öz dəyərli məsləhətlərini ərz edir. Daha sonra isə maralı təklifdə bulunur: "Yeni "hədsiz tarif" paketimiz var - aylıq ödənişi 50 manat. Məncə bundan istifadə edin. Çox sərfəli olar. Sizi düşünərək deyirik. Zatən neçə vaxtdır baxırıq, ən az 50 manatlıq danışırsınız" *** Azercell mənim cibimi, büdcəmi düşünürmüş. Eyvah! Azercell abunəçidən, onun çox pul xərcləməsindən narahatmış. Payatonnan! Gülümmü, ağlayımmı bilmirəm. Həqiqətən kuryoz vəziyyətdir. Amma çox şükür, hər şey öz - özünə aydınlaşdı. Heç bir məchul qalmadı. Əsas da hər ay başında ödədiyim məbləğin niyə 50 manatdan aşağı olmaması ilə bağlı beynimdə ilişib qalan sualın dəqiq cavabını tapdım. *** Bir az öncə vəkil korpusu ilə məşvərət elədik. Azercell-i ən yaxın günlərdə məhkəməyə verməyi düşünürəm. Başqa çarə yoxdur. P.S. Ən son aldığım məlumatlara görə "211"əyarı ilə başlayan bir çox nömrələr eyni taktikanın qurbanıdır.