İstanbul məhkəməsi vəkillərin vəsadətlərini təmin edərək "Gürz" ("Balyoz") dövlət çevrilişi planı haqqında iş üzrə 236 nəfərə bəraət verib. APA-nın RİA Novosti agentliyinə istinadən verdiyi məlumata görə, bəraət almışlar arasında sabiq yüksək rütbəli hərbçilər, siyasətçilər və jurnalistlərin adı var. Antalyanın 4-cü ağır cinayətlər məhkəməsi istintaqa cəlb olunanların günahlarının sübuta yetirilmədiyini, əvvəl təqdim olunan dəlil-sübutların hökm çıxarmaq üçün kifayət etmədiyini qərara alıb. Xatırladaq ki, "Balyoz" işi üzrə hökm 2012-ci ildə verilmişdi. Məhkəmə prosesində ümumilikdə 365 nəfər keçib, onlardan 250 nəfəri həbs edilmişdi.