Yeni sədr kimdir? - Foto
Xəbər verdiyimiz kimi, prezident İlham Əliyev Qoşqar İlahi oğlu Təhməzlinin Azərbaycan Respublikasının Qida Təhlükəsizliyi Agentliyinin sədri təyin edilməsi haqqında sərəncam imzalayıb.
“Qafqazinfo”nun məlumatına görə, Qoşqar Təhməzli 29 may 1970-ci ildə anadan olub. Azərbaycan Tibb Universitetinin 1994-cü il məzunu olan Q. Təhməzli Tibb elmləri üzrə fəlsəfə doktorudur.
Yeni Agentliyin sədri 2006-cı ildə fəaliyyətə başlamış “Medeks” şirkətinin rəhbəridir. O, Azərbaycanda səhiyyə sahəsində səmərəli fəaliyyətlərinə görə bu il iyunun 16-da prezidentin sərəncamına əsasən, “Tərəqqi” medalı ilə təltif edilib.
