"Qarabağ" Avstriyada sonuncu yoxlama oyununu keçirəcək
Təlim-məşq toplanışını Avstriyada davam etdirən "Qarabağ" bu gün sonuncu - 4-cü yoxlama matçını keçirəcək.
Qurban Qurbanovun baş məşqçisi olduğu komanda 17 qat Avstriya çempionu "Zaltsburq" ilə qarşılaşacaq.
Görüş Kaprun stadionunda, Bakı vaxtı ilə saat 20:00-da başlayacaq.
Hazırlığa iyunun 18-də Bakıda start verən "Qarabağ" Avstriya toplanışını iyulun 16-da başa çatdıracaq.
