“Ciddi problem yoxdur...” - Studiyada yıxılan aparıcı
“Xəzər Xəbər”in aparıcısı Günel Qədimovanın efirdən sonra yıxılması, qapalı kəllə-beyin travması alması barədə xəbər yayılıb. İddia olunub ki, hadisə ötən gün proqramın 15:00 buraxılışından sonra baş verib, xəsarət alan aparıcı “təcili yardım” xidməti vasitəsilə 3 saylı Kliniki Tibbi Mərkəzə aparılıb.
“Qafqazinfo” mövzu ilə bağlı G. Qədimova ilə əlaqə saxlayıb. O, yayılan xəbərin şişirdildiyini, səhhətinin qaydasında olduğunu bildirib:
“Mənim səhhətim qaydasındadır, ciddi problem yoxdur. Sadəcə olaraq məlumat şişirdilib. Bayaqdan zənglər gəlir, telefonum susmur, dostlarım narahat olublar”.