Nadir Qafarzadə xalq artisti Flora Kərimovaya jest edib. Müğənni küsülü həmkarının sevgisi qarşısında diz çöküb.   Publika.az xəbər verir ki, müğənni sosial şəbəkədə F.Kərimova ilə səmimi fotosunu paylaşaraq onu çox sevdiyini etiraf edib: “Mən kinli adam deyiləm. Allah hamıya ürəyinə görə versin. Mən bu xanımı sevirəm. Bilirəm ki, o da məni çox istəyir”.   Xatırladaq ki, bir neçə gün öncə Nadir Qafarzadə ilə Flora Kərimova arasında qarşıdurma yaranıb. Flora Kərimova ATV kanalında yayımlanan “Nanəli” verilişində ona salam vermədiyi üçün Nadiri məzəmmət edərək həmkarına “mən sənə çörək vermişəm, adam nankor olmaz” deyib.