Bakıda Birləşmiş Millət Təşkilatının avtomobili qəzaya düşüb. “Qafqazinfo”nun verdiyi xəbərə görə, hadisə Yasamal rayonunda, Moskva prospektində baş verib. BMT-nin Azərbaycan nümayəndəliyinə məxsus "Mitsubishi –Pajero" markalı D 01311 nömrəli avtomobillə Bakı sakini Əkbər Bədəlovun idarə etdiyi, Bakı Taksi MMC-yə məxsus 90 AT 754 nömrəli "London taksisi" toqquşub. Qəza nəticəsində avtomobillər zədələnsə də, ağır xəsarət alan olmayıb.