"Azərsu” Açıq Səhmdar Cəmiyyətinin sabiq sədri Nizaməddin Rzayev yenidən vaxtı ilə rəhbərlik etdiyi quruma qayıdıb. Bu barədə Mia.az-a "Azərsu"dan məlumat daxil olub. Məlumatda bildirilir ki, "Azərsu"da keçmiş sədr üçün yeni ştat da açılıb: "Nizaməddin Rzayev "Azərsu"da müşavir vəzifəsinə təyin edilib". Nizaməddin Rzayevlə bağlı əmrin sədr Qorxmaz Hüseynov tərəfindən 1 həftə əvvəl imzalandığı da bildirilir. Məlumat üçün onu da qeyd edək ki, 2005-ci ildə "Azərsu" ASC-nin sədri Oqtay Əsədovun Milli Məclisin sədri seçilməsindən sonra N.Rzayev onun postunun tutub. Ancaq o, bu vəzifədə 2011-ci ilədək karyerasını dürdürüb. 14 fevral 2011-ci ildə isə Prezident İlham Əliyev onu vəzifəsindən azad edərək, SOCAR-ın vitse-prezidenti Qorxmaz Hüseynovu "Azərsu" ASC-nin sədri təyin edib.