1 noyabr növbədənkənar parlament seçkilərində qalib gələn və təkbaşına hökumət qurmaq hüququ əldə edən AKP-nin sədri, baş nazir Əhməd Davudoğlu istirahətini artıq başa çatdırıb. Türkiyə KİV-ləri baş nazirin sabahdan etibarən işə başlayacağını bildirirlər. Yerli mətbuat hətta Ə.Davudoğlunun iş qrafiki ilə bağlı məlumatlar da yayıb. Həmin məlumatına görə, Ə.Davudoğlu yeni hökumətin rəhbəri kimi ilk xarici səfərini Şimali Kipr Türk Cümhuriyyətinə edəcək və ardından Azərbaycana gələcək. Azərbaycandan sonra Davudoğlunun İraqa gedəcəyi bildirilir. Bununla da o, özündən əvvəlki baş nazirlərin qoyduğu ənənəni davam etdirmiş olacaq.