Azərbaycanda zəlzələ olub - VİDEO - YENİLƏNİB-2
Lerik rayonunda zəlzələ baş verib.
Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən “Report”un sorğusuna cavab olaraq bildirilib ki, ilkin məlumatlara görə, yerli vaxtla 16:57:14-də Lerik ərazisində zəlzələ qeydə alınıb.
Zəlzələ episentrdə 5 baldan çox, yaxın yaşayış məntəqələrində 3-4 bala qədər hiss olunub. Təkanların maqnitudası 5.1, dərinliyi isə 15 km olub.
****
Azərbaycanın cənub bölgəsində zəlzələ olub.
"Report"un Cənub bürosunun məlumatına görə, təbii fəlakət, təxminən, 16:56 radələrində qeydə alınıb.
Zəlzələ 3-4 bal gücündə hiss edilib.
Təbii fəlakət Lənkəran, Masallı, Astara, Lerik, Biləsuvar, Salyan və digər ətraf rayonlarda da hiss olunub.