Azərbaycan Respublikasının prezidenti İlham Əliyev və xanımı Mehriban Əliyeva “Böyük iyirmiliyin” (G20) Antalya şəhərində keçirilən sammitində iştirak etmək üçün noyabrın 14-də Türkiyəyə işgüzar səfərə gediblər. Antalyanın beynəlxalq aeroportunda Azərbaycan prezidentini və xanımını Türkiyənin yüksək vəzifəli dövlət və hökumət nümayəndələri qarşılayıb. İlham Əliyev Türkiyəyə şəxsən prezident Rəcəb Tayyib Ərdoğan tərəfindən fəxri qonaq kimi dəvət olunub. G20 sammiti noyabrın 15-16-da keçiriləcək. Zirvə görüşündə Vladimir Putin, Barak Obama, Angela Merkel, Fransua Olland və digər nəhəng dövlətlərin başçıları iştirak edəcək.