Arvadından boşanan kişi qaynanasını döydü
Bakıda keçmiş kürəkən qaynanasının evinə basqın edib.
Milli.az-ın verdiyi xəbərə görə, hadisə Binəqədi rayonunda baş verib.
Bir müddət öncə arvadından boşanan Sumqayıt şəhər sakini, 1985-ci il təvəllüdlü Rəfail Əliyev F.Şahbazov küçəsində yaşayan keçmiş qaynanası, 1975-ci il təvəllüdlü Yasəmən Əhmədovanın evinə basqın edib.
R.Əliyev evə daxil olaraq qapını sındırıb, qaynanasını döyüb. Sonra isə ailə üzvlərini söyüb təhqir edərək onları öldürəcəyini deyib.
Faktla bağlı araşdırma aparılır.
