Türkiyə rusların “S-400”-nə “KORAL”la cavab verəcək
Türkiyə Suriya ilə sərhədə "Koral" adlı yeni Hava Hücumundan Müdafiə Sistemi quraşdırıb.
"Report" xəbər verir ki, bu haqda Türkiyə KİV-i məlumat yayıb.
Məlumata görə, Türkiyənin bu addımı atmasına səbəb Rusiyanın Suriyada "S-400" zenit-raket qurğusu yerləşdirməsi olub.
Bu sistem təhdidedici raket, təyyarə uçuşlarını və radarların siqnallarını qeyd edərək, onları zərərsizləşdirir.
"Koral" sistemi Türkiyə Silahlı Qüvvələrinin inventarları siyahısına 2015-ci ildən daxil edilib və ilk dəfə Egey dənizindəki hava sərhədinin qorunması üçün İzmirdə quraşdırılıb.