Dekabrın 2-də Məhərrəmlik ayının 40-cı günü olduğundan hüquq-mühafizə orqanlarının 100-dən artıq əməkdaşı təhlükəsizlik tədbirlərini gücləndirmək məqsədilə Nardarana cəlb olunublar. Bu barədə Cebhe.info-nun hadisə yerində olan əməkdaşı məlumat verib. Onun sözlərinə görə, hüquq- mühafizə orqanlarının əməkdaşları iki xidməti avtomobil və bir avtobusla kəndin daxilində hərəkət edirlər. Təxminən 500 nəfərə yaxın Nardaran sakini meydana toplaşıb. Kənd daxilində hələ ki sakitlik hökm sürür. Cənazələrin kəndə qaytarılması haqda isə heç bir məlumat verilmir.