Azinforum.az xəbər verir ki, son bir neçə gün ərzində ətarfında böyük qalmaqalın yaşandığı  millət vəkili Naqif Həmzəyevin vəzifəsinə yeni təyinat olub. Qeyd edək ki, Məhəmməd Əmin Rəsulzadə barəsində təhqiramiz ifadələr işlədən Naqif Həmzəyev Gəncə Şəhər İcra Hakimiyyəti başçısının birininci müavini vəzifəsini tuturdu. Bu vəzifəyə icra başçısı Elmar Vəliyevin əmri ilə Elnur Rzayev təyin edilib. Elnur Rzayev buna qədər Gəncə “Asan Xidməti”nin rəhbəri vəzifəsində çalışıb. Onun 36 yaşı var. Azinforum.az-a məlum olub ki, Elnur Rzayev Mürvət Həsənli kimi tanınan iş adamının bacısı oğludur. Mürvət Həsənli "Xəmsə" şadlıq sarayı və bir sıra başqa biznes subyektlərinin sahibidir.