Rusiya paytaxtında Türkiyəyə qarşı daha bir demarş olub. Bu dəfə türk bayraqları yandırılıb. Virtualaz.org saytı xəbər verir ki, hadisə futbol üzrə Rusiya çempionatının XVIII turu çərçivəsində keçirilən “Spartak” (Moskva)-“Krılya Sovetov” oyunu zamanı baş verib. Moskva klubunun azarkeşləri türk bayraqlarına elə tribunalarda oda vurublar. Bu barədə “Ultra Sever” adlı fan-klub özünün Twitter səhifəsində məlumat yayıb. Məlumatda o da bildirilir ki, rusiyalı fanatlar türk bayraqlarını oyunun 60-cı dəqiqəsində -  “Spartak”ın və Ermənistan yığmasının erməni hücumçusu Yuri Movsisyan meydana çıxanda yandırmağa başlayıblar. Xatırladaq ki, türk F-16-ları Türkiyənin hava məkanını pozmuş Rusiya Su-24 bombardmançısını vurandan sonra iki ölkə arasındaakı münasibətlər xeyli gərginləşib. Rusiya ilə Türkiyə arasında hazırda faktiki olaraq psixoloji, siyasi-diplomatik və iqtisadi müharibə gedir.