Telman İsmayılov "Azerros"u ofisindən qovdu
Azərbaycanlı milyonçu Telman İsmayılov Rusiya Azərbaycanlıları Milli - Mədəni Muxtariyyatını (“Azerros”) Moskvada yerləşən ofisindən çıxarıb.
Lent. az-ın məlumatına görə, Moskvanın Krasnaya Presnya küçəsi, 24 ünvanında, Telman İsmayılova məxsus biznes mərkəzində yerləşən “Azerros”a heç bir xəbərdarlıq edilməyib. Qurum bir neçə saat ərzində ofisindən çıxarılıb. İsmayılovun adamları tez-tələsik qovulmanın səbəbləri barədə “Azerros” rəhbərliyinə heç bir izahat verməyiblər.
Məlumata görə, “Azerros” mərkəzdən bir qədər aralıda, Lenin prospekti, ev 15 ünvanında özünə kiçik qərargah tapıb.
