Millimiz qrupda son oyununa çıxır
Bu gün 19 yaşadək futbolçulardan ibarət Azərbaycan yığması Avropa çempionatının elit-raund mərhələsində son oyununu keçirəcək.
Futbolçularımız rumıniyalı həmyaşıdları ilə qarşılaşacaq. “Kuban” stadionunda keçiriləcək oyun saat 18:00-da başlayacaq.
Qrupun digər oyununda isə Rusiya və İrlandiya yığmaları üz-üzə gələcəklər və görüş saat 18:00-da start götürəcək.
Qeyd edək ki, bu qrupda İrlandiya seçməsi final mərhələsinə vəsiqəni vaxtından əvvəl təmin etdiyindən hər iki oyun formal xarakter daşıyır.