Bu gecə İstanbulun “Sabiha Gökçen” beynəlxalq hava limanında partlayış baş verib. Virtualaz.org Türkiyə mediasına istinadən bildirir ki, partlayış nəticəsində 2 nəfər yaralanıb. Yaralananlar hava limanında təmizlik xidmətinin işçiləri olub. Onlar dərhal Mərmərə Universitetinin Xəstəxanasına yerləşdirilib. Hazırda yaralılardan birinin vəziyyətinin ağır olduğu bildirilir. Hələlik partlayışın dəqiq səbəbləri məlum deyil. Hadisə ilə bağlı araşdırma aparılır. Bundan əlavə, hava limanına gedib-gələn yollarda polis postları qurulub.