Ter-Petrosyan Rusiya səfiri ilə 2 saat Ermənistandakı siyasi böhrandan danışdı...

Ermənistanın birinci prezidenti, Ermənistan Milli Konqresi partiyasının lideri Levon Ter-Petrosyan bu gün- noyabrın 12-də  Rusiyanın işğalçı ölkədəki səfiri Sergey Kopırkinlə  görüşüb.  
Moderator.az xəbər verir ki, Azadlıq radiosu erməni redaksiyasının Ter-Petrosyanın mətbuat katibi Arman Musinyana  istinadla yaydığı məlumata görə, 2 saat davam edən görüşdə  tərəflər və Ermənistandakı daxili siyasi böhrandan çıxış yolları barədə fikir mübadiləsi aparıblar.

Xatırladaq ki, Ermənistanın ilk prezidenti  bundan öncə 44 günlük savaşın başlamasından bir müddət əvvəl - sentyabrın 9-da görüşüb. Ter-Petrosyan işğalçı ölkənin strateji müttəfiqi olan Rusiyanın rolunu dərk edərək səfirlə görüşü zamanı çoxsaylı “fakt”lara istinadla mövcud hökumətlə heç bir əlaqəsi olmamasında israr edib. Ter-Petrosyan  səfiri əmin etməyə çalışıb ki, təcrübəli bir dövlət xadimi kimi Rusiya ilə müttəfiq münasibətlərini korlayan  Paşinyan iqtidarıyla hər hansı əlaqələr qurmaqda maraqlı ola bilməz...