Əmanətlərin sığortalanması müddəti uzadılır
“Əmanətlərin tam sığortalanması haqqında” qanunun qüvvədə olma müddəti daha 4 ay artırılacaq.
Bununla bağlı hazırlanmış qanun layihəsi Milli Məclisin dekabrın 11-də keçiriləcək növbəti plenar iclasında müzakirəyə çıxarılacaq.
Sənəddə qanunun qüvvədə olma müddətinin 2021-ci ilin 5 aprel tarixinə qədər artırılması qeyd olunub.
Xatırladaq ki, “Əmanətlərin tam sığortalanması haqqında” 4 mart 2016-cı ildə, 3 il müddətinə qəbul edilib. Ötən il martın 4-də Milli Məclis qanunun qüvvədə olma müddətini 1 il, bu il martın 13-də isə daha 9 ay uzadıb.