Avropa İttifaqı: Azərbaycan-Ermənistan dövlət sərhədində narahatlıq yaradan hadisələr davam edir
Avropa İttifaqı (Aİ) Azərbaycan Ermənistan dövlət sərhədində baş verənlərdən narahatlığını ifadə edib.
Bu barədə Aİ-nin Cənubi Qafqaz və Gürcüstan böhranı üzrə Xüsusi Nümayəndəsi Toivo Klaar "Twitter"də bildirib.
"Azərbaycan-Ermənistan dövlət sərhədində dərin narahatlıq yaradan hadisələr davam edir. Biz yeni itkilər qeydə alınmadan təmkinə, qüvvələrin ayrılmasına və sərhəd məsələləri ilə bağlı konstruktiv dialoqa çağırışımızı təkrarlayırıq. Avropa İttifaqı tərəflərə kömək etməyə hazırdır", Aİ rəsmisi vurğulayıb.