Mərkəzi Bank “Akkord Sənaye Tikinti İnvestisiya Korporasiyası”nı yenidən cərimələdi

“Akkord Sənaye Tikinti İnvestisiya Korporasiyası” ASC-yə növbəti dəfə cərimə protokolu yazılıb.

Pravda.az-ın əldə etdiyi məlumata görə, ASC barəsində Azərbaycan Mərkəzi Bankı tərəfindən İnzibati Xətalar Məcəlləsinin 430.4-cü (Valyuta tənzimi qaydalarının pozulması) maddəsi ilə inzibati protokol tərtib edilib. Daha sonra protokol baxılması üçün Nərimanov Rayon Məhkəməsinə göndərilib.

İş hakim Vüsal Qurbanovun sədrliyi ilə araşdırılacaq.

Məhkəmə iclası noyabrın 1-nə təyin edilib.

Qeyd: Akkord Şirkətlər Qrupu sabiq baş prokuror Zakir Qaralova məxsusdur. Şirkətin hazırda 2 milyondan çox vergi borcu var.

Xatırlatma: Daha əvvəl “Akkord Sənaye Tikinti İnvestisiya Korporasiyası” ASC barəsində eyni xətai ilə bağlı bir neçə dəfə cərimə protokolu yazılmışdı.