ABŞ-dan XƏBƏRDARLIQ: Ukraynaya nüvə hücumu NATO-ya hücum kimi tanınacaq
ABŞ Senatında Rusiyanın Ukraynada mümkün taktiki nüvə silahından istifadəsini NATO-ya hücumla eyniləşdirməyə çağıran qətnamə hazırlanıb.
Bu barədə Senatın mətbuat konfransında sənədin müəlliflərindən biri-senator Lindsi Qrem (Respublikaçı, Cənubi Karolinadan) məlumat verib.
“Biz bu gün Senatın qətnaməsini təqdim edirik. Qətnaməyə əsasən əgər Rusiya, Belarusiya və ya bir rus nümayəndəsi Ukraynada əks-hücum əməliyyatını dayandırmaq və ya Ukrayna xalqının iradəsini qırmağa cəhd etmək üçün nüvə silahına əl atsa, o zaman bu hücum NATO-nun özünə hücum kimi qiymətləndiriləcək”, - deyə L. Qrem bildirib.