Aprelin 2-dən Prezident yanında Əfv Məsələləri Komissiyasının iclasları başlayacaq.

Bu barədə “AzPolitika”ya adıçəkilən komissiyanın üzvlərindən biri məlumat verib.

Qeyd olunur ki, gələn həftədən etibarən mütəmadi keçiriləcək iclaslarda məhkum olunmuş şəxslərin müraciətlərinin araşdırlmasına başlanacaq.

Mənbə bildirib ki, əfv ölkə prezidentinin müstəsna səlahiyyətindədir, 28 may Müstəqillik Günü ərəfəsində belə bir sərəncamın imzalanacağı gözləniləndir.

Qeyd edək ki, Azərbaycanda sonuncu əfv sərəncamı ötən il mayın 8-də Ümumilli lider Heyədr Əliyevin 100 illik yubileyi münasibəti ilə imzalanıb. Nəticədə yüzlərlə məhkum vaxtından əvvəl azadlığa çıxıb.