Son 5 ildə Böyük Vətən Müharibəsi veteranlarının sayı 6 dəfə azalıb
Ötən ayın əvvəlinə olan məlumata görə Azərbaycanda 1941-1945-ci il Böyük Vətən müharibəsinin iştirakçısı olan 21 nəfərin hər biri ayda 330 manat təqaüd alıb.
Yeniavaz.com-un açıqlanan rəsmi məlumatlara istinadən apardığı hesablama göstərir ki, son bir ildə təqaüd alan Böyük Vətən müharibəsinin iştirakçılarının sayı 27,6% və ya 8 nəfər azalıb.
1941-1945-ci il Böyük Vətən müharibəsi veteranlarının sayı azalsa da, onlara verilən təqaüdün miqdarı dəyişməyib.
Son 5 ildə Böyük Vətən müharibəsi veteranlarının sayı və onlara verilən təqaüdün məbləği aşağıdakı kimi olub:
| İllər | Təqaüd alan Böyük Vətən müharibəsi iştirakçılarının sayı, (nəfər) | Təqaüdün aylıq məbləği, (manat) |
| 1 iyul 2020 | 124 | 150 |
| 1 iyul 2021 | 73 | 300 |
| 1 iyul 2022 | 41 | 300 |
| 1 iyul 2023 | 29 | 330 |
| 1 iyul 2024 | 21 | 330 |
