Cari il 1 iyul tarixinə dövlət zəmanətli borcun məbləği (daxili və xarici borc) 11 milyard 407,1 milyon manat və ya 2024-cü il üzrə proqnozlaşdırılan ÜDM-in 9,4 faizini təşkil edib.

Azinforum.az Maliyyə Nazirliyinin açıqladığı “2024-cü ilin I yarımili üzrə Dövlət Borcuna dair Statistik Bülleten”inə istinadən xəbər verir ki, dövlət zəmanətinin 9 milyard 599,2 milyon manatı (5 milyard 646,6 milyon dollar) və ya 84,2 faizi xarici kreditlərin, 1 milyard 807,9 milyon manatı və ya 15,8 faizi isə daxili kreditlərin payına düşür.
Xarici dövlət zəmanətli borcun 4 milyard 329,7 milyon dollarını və ya 76,7 faizini (7 milyard 360,5 milyon manatı) “Cənub Qaz Dəhlizi” QSC-nin öhdəlikləri üzrə verilmiş dövlət zəmanəti təşkil edir.