“Tramp və Harrisin prezidentlik debatını izlədim. Ya Rəbb, bu, nə cəfəngiyyat idi. Amma bu, siyasi strateqlər və məsləhətçilərlə uzun hazırlıqdan sonradır. Hər iki namizəd, əgər həqiqətən varsa, öz fikirlərini aydın şəkildə ifadə edə bilməyib. Tramp və Harris arasındakı debat hətta gülməli bir siyasi şouya da çevrilmədi”.

Bu fikirləri deputat Rasim Musabəyov öz Facebook hesabında yazıb.

Deputat qeyd edib ki, ABŞ prezidentliyinə namizədlərin debatı hətta 20 il öncə Siyavuş Novruzovla Pənah Hüseynovun mübahisəsindən də aktual ola bilməyib: 

“Bu mənada rəhmətlik Jirinovski onları yüz xal qabaqlayacaqdı. Yadımdadır, on beş-iyirmi il əvvəl Siyavuş Novruzovla Pənah Hüseynovun mübahisəsi daha maraqlı, mənalı və əyləncəli görünürdü. 

Əgər ABŞ-da bütün dünya üçün vacib olan ən nüfuzlu postu tutmaq üçün aparılan seçki kampaniyası son nəticədə Tramp və Harris arasında seçimə gedirsə, bu, Amerika demokratiyasının aşkar sürüşməsinin və qüsurluluğunun sübutudur”.

Bizim.Media