Pekində Çin Xalq Respublikasının Sədri Si Cinpinin və birinci xanım Pen Liyuanın adından Prezident İlham Əliyevin və birinci xanım Mehriban Əliyevanın şərəfinə rəsmi ziyafət verilib.
Sosial şəbəkələrdə ziyafətin proqramı və menyusunun fotoları yayılıb.
Fotolardan məlum olur ki, rəsmi ziyafət zamanı Azərbaycanın “Arşın mal alan” filmindən hissələr, “Mənim Azərbaycanım” kimi milli musiqilərinin səsləndirilməsi nəzərdə tutulub.
Menyuda isə toyuq bulyonunda molyuska, pekinsayağı ördək, bulyonlu tərəvəz, zəfəran sousunda treska balığı, kremli tort, şirniyyat, meyvə, dondurma, kofe, çay və şərab yer alıb.