"Neftçi" nəhayət ki, qələbə qazandı
Premyer Liqanın VII turunda iki qarşılaşma baş tutub.
"Sumqayıt" doğma meydanda AZAL-ı qəbul edib. Oyun 1:1 hesabı ilə başa çatıb.
"Kəpəz" isə "Neftçi"nin qonağı olub.
Oyuna bakılılar fəal başlayıblar. 14-cü dəqiqədə Cavid İmamverdiyevin ötürməsindən sonra Denilson Pereyra fərqlənib. 90+3-cü dəqiqədə isə Katalin Tira son nöqtəni qoyub - 2:0.
Qeyd edək ki, tura sabah "Qəbələ" - "Qarabağ" matçı ilə yekun vurulacaq.