Ermənistanın paytaxtı İrəvanda elektrik enerjisinin qiymətinin artırılmasına qarşı keçirilən etiraz aksiyaları davam edir. Azvision.az erməni KİV-nə istinadən xəbər verir ki, nümayişçilər Barqamyan prospektini tərk etmək imtina edirlər. Artıq elektrik enerjisi tariflərinin bahalaşması ilə bağlı keçirilən etiraz aksiyasına Ermənistanın bir çox şəhər və cəmiyyətləri də qoşulub. *    *     * 10:36 Ermənistan polisinin rəhbəri Vladimir Qasparyan gecəyarısı İrəvanın mərkəzində elektrik enerjisi qiymətlərinin bahalaşdırılmasına qarşı təşkil olunan mitinqin keçirildiyi əraziyə gəlib. "Report" "Novosti-Armeniya"ya istinadən xəbər verir ki, o, polis əməkdaşları ilə danışıqlar aparıb. "Qasparyan polis əməkdaşları ilə danışıqlar aparır, hər hansı bir bəyanat olmayıb, mitinq davam edir", — deyə məlumatda bildirilib. Əlaqələndirmə qrupunun üzvü Vaqinak Şuşanyan, həmçinin jurnalistlərə bildirib ki, Ermənistanın polis rəisi nümayişçiləri dəstəklədiyini bəyan edib.