“Azərtikinti ATF” MMC 15 payçını evsiz qoyub. Axar.az-a verilən məlumata görə, şirkətin sahibi Azər Quliyev ev dələduzluğuna görə həbs olunduqdan sonra vətəndaşlar mənzillərini ala bilməyib. Onların mənzillərinə iş adamı İsfəndiyar Axundov şərik çıxıb. 2008-ci ildən evlərini ala bilməyən payçıların sözlərinə görə, İ.Axundov mənzilləri onlara yenidən satmağı təklif edir. Bu isə sakinlərə ikiqat qiymətə başa gəlir. Qeyd edək ki, şirkətin Bakının Xətai rayonu, Telnov küçəsi 23-47/48 ünvanında binaları inşa olunub.