Bu gün - sentyabrın 1-də günün birinci yarısında Azərbaycan prezidenti İlham Əliyevin sədrliyi ilə Nazirlər Kabinetinin təcili toplantısı keçiriləcək. Bu barədə virtualaz.org saytına hökumətdəki məlumatlı mənbələrdən informasiya daxil olub. Xəbərdə deyilir ki, hökumətin iclası qlobal iqtisadi böhran fonunda ölkədə yaranan sosial-iqtisadi vəziyyətə həsr ediləcək. İclasda büdcənin icrasının gedişi, dünya bazarlarında neftin qiymətinin düşməsi üzündən iqtisadiyyatda yaranan problemlər nəzərdən keçiriləcək. Prezident İlham Əliyevin tədbirdə çıxış edəcəyi gözlənilir.