Keçmiş deputatın həbsdə yenidən karserə salınıb
Həbsdə olan keçmiş deputat Nazim Bəydəmirlinin mayın 15-dən etibarən qida və dərman qəbuluna icazə verilmədiyi bildirilir.
Bu barədə onun xanımı Fəridə Bəydəmirli məlumat yayıb. Onun sözlərinə görə, Bəydəmirli bir sutka ərzində günəş altında ayaqüstə saxlanılıb, daha sonra cərimə kamerasına (karser) göndərilib: "Hər kəsin gözü önündə bir sutka günəşin altında ayaqüstə saxladılar, sonra karserə göndərdilər. Nazimin həyatından çox narahatıq. Müraciət etdiyim səlahiyyətli orqanların heç biri geri dönüş etməyib".
Fəridə Bəydəmirli ərinin hansı səbəbdən cərimə kamerasına salındğını açıqlamayıb.
Bu açıqlamaya Penitensiar Xidmət, başqa aidiyyəti qurumlardan münasibət almaq mümkün olmayıb.