"İstəsəm, elə partlayışlar edərəm ki. Çox şeylər edə bilərəm, danışılar da. Sadəcə, söz-söhbətə qoşulmaq istəmirəm. Kiməsə cavab verməyə hövsələm yoxdur. Əsəblərimi pozmaq istəmirəm".
Bu sözləri Nüşabə Ələsgərli "Xəzər axşamı" verilişində deyib.
Əməkdar artist sosial şəbəkələrdə yazılan rəylərə artıq əhəmiyyət vermir:
"Kiməsə məcbur qalıb izah etməyə hövsələm yoxdur ki, bunu bu səbəbdən etmişəm. Sosial şəbəkələrdə yazılan rəylərə əvvəllər lap dəli olurduq. Görürdüm ki, nahaq yerə yazırlar. Mən istədiyimi bəlkə də yaxşı başa salmamışam və ya yaxşı təqdim etməmişəm. Görürdüm ki, başqa cür rəylər yazırlar. Onda çox əsəbləşərdim. İndi sosial şəbəkələrdə yazılanlar vecimə deyil".