Yanvar ayında 26 min nəfərin əmək müqaviləsinə xitam verilib – Rəsmi
Bu ilin fevral ayının 1-nə olan məlumata görə, ölkədə muzdla (əmək müqaviləsi ilə) çalışan işçilərin sayı 1 milyon 782 min nəfər olub.
Dövlət Statistika Komitəsindən açıqlanan statistikaya əsasən, bu ilin əvvəli ilə müqayisədə, yəni son bir ayda ölkədə muzdla çalışan işçilərin sayı 26 min nəfər və ya 1,4% azalıb.
Qeyd edək ki, bu ilin yanvar ayı ərzində dövlət sektorunda çalışan işçilərin sayı 4,4 min nəfər və ya 0,5% azalaraq 861,4 min nəfərə düşüb.
Qeyri-dövlət sektorunda çalışan işçilərin sayı isə 21,6 min nəfər və ya 2,3% azalaraq 920,6 min nəfərə enib.