Türkiyənin Kayseri şəhərində 15 yaşlı oğlan prezident Rəcəb Tayyip Ərdoğanı təhqir etdiyi iddiası ilə saxlanılıb. Lent.az“Cihan”a istinadən xəbər verir ki, Kayserinin Bünyan qəsəbəsində  prezidentə qarşı nalayiq sözlər işlədən yeniyetmə dünən axşam saxlanılıb və gecəni polis bölməsində keçirib. Polis tərəfindən internet klubun qarşısında tutulan yeniyetmənin məhkəmə qarşısına çıxarılması gözlənilir. Qeyd edək ki, 15 yaşlı oğlan hazırda prokurorluqdadır və ifadəsi alınır.